Artan Jazxhi është rikthyer te Teuta. Klubi durrsak ka publikuar një foto nga Ohri ku bie në sy edhe mbrojtësi, që ishte huazuar te Vllaznia.
Jazxhi pësoi një dëmtim, që e la jashtë për ndeshjen e turit të parë Europë. Vllaznia e kishte huazuar Jazxhin nga Teuta vetëm për Europën.
Pas Kevin Dodajt, Vllaznisë i largohet kështu edhe Jazxhi që ishte në fazën përgatitore. Në anën tjetër, shkodranët kanë zyrtarizuar orët e fundit Bismark nga Skënderbeu (huazim) dhe transferimin e portierit Leon Pohls.
Njoftimi i Vllaznisë për huazimin e Jazxhit më parë:
“KF Vllaznia bën të ditur se ka arritur një marrëveshje me KF Teuta për huazimin e futbollistit Artan Jazxhi. Mbrojtësi 24 vjeçar do të jetë pjesë e skuadrës tonë për Kupat e Europës. Mirë se erdhe!”
