Janë zbardhur detaje të reja nga ngjarja e regjistruar mbrëmjen e kësaj të diele në Sarandë, ku mbeti i plagosur një person.
Mësohet se i plagosuri Adil Veli, rreth 54-vjeç është një ish-efektiv policie, teksa në konflikt janë përfshirë disa persona.
Dyshohet se të shtënat me armë zjarri janë regjistruar në ajër, ndërsa Adil Veli është goditur me qytën e një pistolete. Në sherr janë përdorur edhe armë të ftohta.
Ish-efektivi i Policisë është dërguar në spitalin e Sarandës për të marrë trajtim mjekësor. Ngjarja ndodhi në lagjen nr. 4 të qytetit bregdetar, në rrugën “Mitat Hoxha”.
Ende nuk dihen shkaqet e sherrit dhe identitetet e personave të tjerë të përfshirë në konflikt.
