Një ngjarje e rëndë është shënuar ditën e sotme (19 korrik) në Ksamil.
Një person me precedentë penalë për trafik droge ka ushtruar dhunë fizike ndaj një qytetari, në sy të fëmijëve të mitur dhe dhjetëra turistëve që ndodheshin në zonë.
Sipas dëshmitarëve okularë, sulmi ndodhi në një nga zonat më të frekuentuara të Ksamilit, dhe agresori, një shtetas i njohur për lidhje me botën e krimit dhe aktivitetet e dyshimta, ka vepruar i sigurt në paprekshmërinë që i garanton mbështetja e policisë lokale.
Siç shihet në videon e mëposhtme, qytatari është i gjakosur dhe i tronditur.
Dhunuesi nuk është ndaluar ende nga uniformat blu të cilët mesa duket do jenë duke pushuar në ndonjë breg me birra në dorë, ndërkohë që në videot propagandistike shfaqen si shumë të impenjuar për të rujatur rendin dhe për të garantuar siguri për pushuesit.
Raportohet se ky nuk është rasti i parë që ky shtetas ushtron dhunë në publik. Banorë dhe të afërm të viktimës pretendojnë se ai është “nën mbrojtje të policisë së Sarandës” dhe për vite me radhë ka operuar i paprekur nga ligji, pavarësisht veprave të rënda që i atribuohen.
