Arsenali ka transferuar Noni Madueke nga Chelsea. Lajmi është bërë i ditur nga vetë “Topçinjtë”, nëpërmjet një postimi në rrjetet sociale.
Arsenali ka derdhur plot 48 milionë paundë në arkat e “bluve”, ndërsa 23-vjeçari ka firmosur një kontratë 5-vjeçare.
Me fanellën e “blues”, lojtari ka realizuar 20 gola në 92 ndeshje gjatë dy viteve në “Stamford Bridge”.
Për Arsenal ky është një afrim i rëndësishëm për të bërë hapin cilësor drejt titullit kampion në Premier League këtë sezon. Lojtari pritet të sjellë më shumë energji në lojën e krahëve dhe sulm për trajnerin Mikel Arteta.
“Unë jam dikush që ndjek ndjesinë e brendshme dhe ajo më ka udhëhequr në drejtimin e duhur deri tani. Nuk besoj se do të jetë ndryshe këtu.
Kjo është një skuadër e shkëlqyer, me identitet të qartë, dhe mezi pres të sjell stilin tim në ekip dhe të ndihmoj sa më shumë djemtë për të hedhur hapin tjetër përpara”– tha sulmuesi në prezantim.
