Policia ka arrestuar një 30-vjeçar dhe kanë shpallur në kërkim dy persona të tjerë, për përfshirje në dy ngjarje të ndryshme.
Sipas njoftimit zyrtar, është arrestuar shtetasi A. M., 30 vjeç, ndërsa është shpallur në kërkim shtetasi E. H., po 30 vjeç. Të dy dyshohet se për motive të dobëta kanë goditur me sende të forta një 36-vjeçar, në ambientet e një lokali në fshatin Priskë. I dëmtuari ndodhet nën kujdesin e mjekëve, ndërkohë që vijon puna për kapjen e autorit tjetër.
Ndërkaq, është shpallur në kërkim edhe shtetasi A. D., 21 vjeç, i cili dyshohet se ka kanosur një 20-vjeçare nëpërmjet thirrjeve telefonike. Edhe për këtë rast, vijojnë hetimet dhe veprimet për gjetjen dhe arrestimin e tij.
