Presidenti brazilian Luiz Inácio Lula da Silva i është kundërpërgjigjur kërcënimeve të presidenti amerikan Donald Trump për tarifa, duke thënë se homologu i tij amerikan u zgjodh si udhëheqës i Shteteve të Bashkuara dhe “jo për të qenë perandori i botës”.
Javën e kaluar, Trump e kërcënoi Brazilin me tarifa paralizuese prej 50% duke filluar nga 1 gushti, sipas një letre të postuar në platformën e tij të mediave sociale, Truth Social.
Në letër, Trump e lidhi kërcënimin me tarifa me atë që ai e përshkroi si një gjyq “gjueti shtrigash” kundër ish-presidentit të krahut të djathtë të Brazilit, Jair Bolsonaro.
Ky i fundit, një aleat i ngushtë i Trump, po përballet me gjyq në Brazil për dyshimin se është përpjekur të rrëzojë Lulën pas fitores së tij presidenciale në vitin 2022.
Ai mund të përballet me më shumë se katër dekada burg nëse shpallet fajtor për organizimin e grushtit të shtetit.
Duke folur ekskluzivisht për CNN të enjten, da Silva, i cili njihet gjerësisht si Lula, tha se kërcënimet e Trump ishin shkëputur nga “protokolli” dhe argumentoi se fati i paraardhësit të tij nuk mund të jetë pjesë e negociatave tregtare.
“Dega gjyqësore e pushtetit në Brazil është e pavarur. Presidenti i Republikës nuk ka asnjë ndikim”, tha ai, duke shtuar se Bolsonaro “nuk po gjykohet personalisht. Ai po gjykohet nga veprimet me të cilat u përpoq të organizonte një grusht shteti”.
