Britania e Madhe do të ulë moshën për të drejtën e votimit në 16 vjeç, njoftoi sot qeveria laburiste e Keir Starmer,.
Reforma ishte pjesë e platformës zgjedhore të Partisë laburiste, e cila në të njëjtën kohë shpreson të rifitojë një pjesë të mbështetjes së humbur në sondazhet e fundit mes të rinjve
Qeveria synon që reforma të hyjë në fuqi që në zgjedhjet e ardhshme të përgjithshme britanike, të planifikuara në vitin 2029.
Ajo do ta përafrojë të gjithë kuadrin kombëtar me atë të Skocisë dhe Uellsit, ku personat mbi 16 vjeç janë tashmë në gjendje të votojnë në zgjedhjet lokale prej disa vitesh.
Ky është ndryshimi më domethënës në këtë fushë që nga viti 1969, kur një qeveri tjetër laburiste, ajo e Harold Wilson, shtyu përmes parlamentit uljen e moshës ligjore të votimit nga 21 në 18 vjeç.
Projektligji u prezantua sot nga Rushanara Ali, ministre për Demokracinë, të Drejtat dhe Strehimin.
“Në moshën 16 vjeç, të rinjtë mund të punojnë në vendin tonë, të paguajnë taksat dhe madje t’i bashkohen ushtrisë”, theksoi Ali./BBC
