Prej disa ditësh, vatra zjarri janë regjistruar në gjithë vendin, teksa flakët nuk po kursejnë as ish-repartet ushtarake.
Një vatër zjarri është shfaqur mbrëmjen e së enjtes brenda ish-repartit ushtarak të Pocestës në Korçë, duke djegur një sipërfaqe të konsiderueshme me bimësi të ulët.
Zjarrfikësit kanë izoluar vatrën dhe kanë fikur flakët duke evituar dëmet në ndërtesat pranë.
Kjo është hera e dytë brenda pak kohësh që në këtë repart ndodhin situata të tilla.
