Një aksident ka ndodhur mëngjesin e sotëm në Shkodër, në lagjen “Partizani”. Si pasojë e aksidentit ka mbetur i plagosur një 72-vjeçar.
Në njoftimin e uniformave blu bëhet me dije se shtetasi Y. D., duke drejtuar një automjet, dyshohet se ka humbur kontrollin dhe për pasojë ka përplasur shtetasin Sh. B., 72 vjeç, i cili po lëvizte me biçikletë.
“Rreth orës 08:50, në lagjen “Partizani”, shtetasi Y. D., duke drejtuar automjetin, dyshohet se ka humbur kontrollin mbi drejtimin e tij dhe për pasojë automjeti ka përplasur shtetasin Sh. B., 72 vjeç, i cili po lëvizte me biçikletë.
Nga aksidenti është dëmtuar shtetasi Sh. B., i cili ndodhet në Spitalin Rajonal Shkodër, në kujdesin e mjekëve.”, njofton policia.
