Mes personave të shoqëruar nga policia në kuadër të hetimeve për vrasjen e Renis Dobrës, rezulton të jetë edhe një vajzë.
Bëhet fjalë për të dashurën e Fatjon Bushgjokës, një prej të dyshuarve kryesorë për krimin që ndodhi më 8 korrik në Mat.
Ajo është shoqëruar nga autoritetet gjatë operacionit për kapjen e Bushgjokës, i cili u arrestua në Tiranë. Burime pranë hetimit bëjnë me dije se vajza nuk është e përfshirë në ngjarjen kriminale, por mund të japë informacion për lëvizjet dhe veprimet e partnerit të saj para dhe pas krimit.
Përveç Fatjon Bushgjokës, në pranga ka rënë edhe Petrit Çakrri, i cili u kap në Lekbibaj të Tropojës. Ndërkohë, vijon kërkimi për Kristi dhe Aleksandër Bushgjokën, të dy të dyshuar për përfshirje në vrasje.
