Edon Murataj është futbollisti më i ri i ekipit të Vllaznisë. Pasi mbylli aventurën e tij me SV Lafnitz në Austri, sulmuesi 22-vjeçar ka vendosur që të veshë fanellën e ekipit shkodran.
Vllaznia nuk ka paguar për Muratajn, pasi këtij të fundit i kishte përfunduar kontrata me ekipin austriak. Ndërkohë që vetë sulmuesi i krahut të majtë ka firmosur kontratë 1-vjeçare, por me opsionin e rinovimin edhe për një tjetër vit.
Murataj pritet të jetë një vlerë e shtuar për ekipin, madje cilësohet si “goditje” në këtë merkato. Kjo pasi sulmuesi 22-vjeçar është një “prodhim” i gjigantit belg, ekipit të Antwerp.
