Një 48-vjeçar shqiptar i akuzuar për tentativën e rrëmbimit të një vajze 4-vjeçare, ndërsa ajo ishte në krahët e nënës së saj, mesditën e së premtes së kaluar, është lënë në masën e paraburgimit nga autoritetet greke.
Mediat greke shkruajnë se utori i krimit i kërkoi falje Oficerit Hetues të Ilias për akuzat për tentativë rrëmbimi të një të mituri, shkaktim të lëndimeve trupore ndaj një gruaje dhe rezistencë ndaj autoritetit.
Me marrëveshjen e hetuesit dhe prokurorit, 48-vjeçari do të dërgohet në burg, dhe konkretisht në burgun e Korydallos.
Duhet theksuar se për procesin e marrjes në pyetje, i akuzuari nuk kishte avokat dhe një i tillë iu caktua nga gjykata.
Kronologjia e incidentit
Ngjarja ndodhi në Kakovatos , kur nëna, motra dhe gjyshja e katërvjeçares dolën me fëmijët për një shëtitje dhe 48-vjeçari kreu një sulm të befasishëm, duke u përpjekur ta merrte fëmijën me forcë nga krahët e nënës së tij.
Motra dhe nëna e gruas nxituan ta ndihmonin, ndërsa një biznesmen vendas gjithashtu nxitoi në vendngjarje pasi dëgjoi britmat.
Autori i krimit, duke parë reagimin, iku dhe u fsheh në një pyll aty pranë , ku u vu re nga policia. Pavarësisht përpjekjeve për të rezistuar, ai u arrestua.
