Drejtori i Përgjithshëm Ilir Proda ka vendosur të bëjë rokadë në Policinë e Shtetit, duke transferuar shefat e komisariateve.
Këtë herë ndryshimet janë kryer në nivel komisariatesh në Tiranë, Shkodër ku ka problematikë me Thethin dhe Kukës.
Ajo që bie në sy në këto ndryshime është emri i Robert Loshës, i cili pavarësisht se kthehu Ali Demin në një zonë ku veprohej çdo lloj aktiviteti i paligjshëm, ai tashmë merr besimin nga Proda për të drejtuar Komisariatin e Policisë nr. 7 në Tiranë.
Robert Losha njihet si shefi i komisariatit ku policët me urdhër të tij “masakronin” me gjoba qytetarët, betonieret vijonin të pa shqetësuara punën në kundërshtim me ligjin, deri tek bastet sportive të paligjshme që operonin në cdo cep të Ali Demit.
Tashmë me bekimin e Prodës, Llosha mund të vijojë “legalizimin” e aktiviteteve të paligjshëm edhe të “masakrojë” me gjoba një tjetër zonë të kryeqytetit.
Sa i përket Shkodrës, në krye të komisariatit është emëruar Bekim Lika, i cili më parë ishte shef i Komisariatit të Policisë në Kukës.
Ndërsa në krye të komisariatit të Kukësit, është emëruar Besmir Qebini i cili më parë drejtonte Komisariatin nr.5 në kryeqytet.
- Emërimet në Policinë e Shtetit:
Idriz Daulle, nga zvdr. i rendit në DVP Tiranë emërohet Shef i Komisariatit të Policisë nr. 5, Tiranë.
Besmir Qebini, nga Shef Komisariati i Policisë nr 5 emërohet Shef i Komisariatit të Policisë Kukës.
Bekim Lika, nga Shef i Komisariatit të Policisë Kukës, emërohet Shef i Komisariatit të Policisë Shkodër.
Ermal Kenaçi emërohet Shef i Komisariatit të Policisë nr. 2, Tiranë.
Feliks Hoda emërohet Shef i Komisariatit të Policisë nr. 4, Tiranë.
Ervis Gjoshi, nga Shef i Komisariatit të Policisë nr. 4, emërohet Zëvendësdrejtor për Rendin në Drejtorinë Vendore të Policisë Tiranë.
Robert Losha emërohet Shef i Komisariatit të Policisë nr. 7, Tiranë.
Elton Shahini emërohet Shef i Komisariatit të Policisë nr. 1, Tiranë.
Lexo edhe:
Robert Losha dështoi, ende pa autor atentati me kallash ndaj të miturve, Proda e mban në detyrë
Policia i toleron/ Lokalet e basteve të paligjshme në “Ali Demi” kthehen në skenë krimi
