Një 34-vjeçar nga Gramshi ka kallëzuar në polici zhdukjen e të atit, me të cilin nuk ka mundur të lidhet prej pesë ditësh.
Shtetasi D. Xh., 34 vjeç, ka deklaruar se që prej datës 5 korrik 2025 ka humbur çdo kontakt me babanë e tij, B. Xh., 69 vjeç. Policia e Gramshit ka nisur kërkimet për lokalizimin dhe gjetjen e 69-vjeçarit.
Rrethanat e zhdukjes nuk janë ende të qarta, ndërsa hetimet vijojnë për zbardhjen e plotë të ngjarjes.
