Një ngjarje e rëndë ka ndodhur mesditën e së mërkurës në zonën e Mamurrasit ku një 38-vjeçar nga fshati Sanxhak ka humbur jetën gjatë punës në gurore.
Viktima po kryente riparime në mjetin e punës në një gurore në zonën e Mamurrasit, kur është dëmtuar rëndë dhe për pasojë ka ndërruar jetë.
Një dëshmitar okular, ka deklaruar se ngjarja ka ndodhur në një gurore në pronësi të kompanisë “Gerti SHPK” kurse policia sipas tij po fsheh provat.
Sipas tij, punëtori kishte vetëm dy ditë që ishte punësuar në këtë subjekt dhe po punonte në kushte të papërshtatshme, pa sigurime shëndetësore dhe pa masa sigurie teknike.
Dëshmitari shton se viktima është përfshirë nga mulliri i gurit, duke pësuar dëmtime fatale. Ai thekson se ngjarja është shumë më e rëndë se sa është raportuar deri tani nga autoritetet apo mediat.
“Vdes puntori pa siguruar te Gerti shpk mamurras dhe zhdukin gjurmët. Erdh ambulaca e policia e moren sikur nuk ndodhi asgje per me shum shkoni ne komisariat. Gjurmet i fshehën. Ngjarja ndodhi para 1 ore. Ato fshehin cdo lloj prove e vetmja menyre mund te vini ne komisariat. Ato vazhduan punen normalisht pronari firmes cdo gje e ka ne te zez policet as nuk moren deshmitar as nuk vun shirit per mbylljem e gurores qe ka pa letra. I ndjeri ka qene punetor aty. Dhe gjurmet u fshine trupi eshte masakruar nga mulliri i gurit. Gjaku u pastrua gjurmet u fshinë. Policia u largua sikur nuk ndodhi asgjë. Po puntori dy dit ka pas qe ka fillur pun edhe ka qen pa siguraciaone dhe pa asnje kusht pune. Po mediat dhe institucionet shteterore u korruptuan te gjith nga dy pronart e medhenjt edhe puna esht akoma ne vazhdim pa pas pastrimit te provave. Asnje lajm nuk u hedh per te ndjerin qe i doli shpirti me siklet. Turp tju vjeri te gjith mediave ne shqiperi vec ktu ndodh te vdesi njeri dhe te fshihen provat. Pashe momentin kur trupi u mor pa eksperize e u mbeshtoll sikur te ishte nje mbeturine e jo njeri. Shume gjynaf ambulaca sapo ndaloi e futen direkt nuk priten ekspertiz eja shikojeni vet vendgjarjen mos besoni kot shefat e komisariatit qe jan te korruptuar. Nese vini e beni vet filmimet nuk ju shkon rruga kot kte jua premtoj sepse duhet pak drejtesi per ato familjare te shkret qe trupi i djalit te tyre u thërrmua dhe vendi u be det nga gjaku”, shkruan qytetari në denoncimin për JOQ.
