Kryeministri Edi Rama ka mbërritur sot në qytetin e Fierit, ku zhvilloi një mbledhje me drejtuesit vendorë në ambientet e bashkisë.
Sipas Top Channel, kreu i qeverisë u ka kërkuar dorëheqjen të gjithë drejtorëve që varen nga bashkia, si dhe drejtuesve të institucioneve lokale, të cilët sipas tij nuk kanë përmbushur detyrën dhe nuk kanë reflektuar në kohë mbi përgjegjësitë që mbajnë.
Rama ka përdorur tone të ashpra edhe në këtë mbledhje, duke e cilësuar këtë proces si një “aksion vetëpastrimi”, që sipas tij do të prekë çdo bashki ku puna nuk ecën sipas pritshmërive të qeverisë.
Ky është rasti i dytë brenda pak ditësh ku kreu i ekzekutivit ndërhyn drejtpërdrejt në pushtetin vendor. Vetëm pak ditë më parë, Rama kërkoi dorëheqjen kolektive të drejtorëve edhe në bashkinë e Vlorës, duke lënë të kuptohet se ndërhyrje të tilla do të vijojnë edhe në bashki të tjera, si Durrësi dhe Shkodra.
I kërcënoi me shkarkime/ Rama mbërrin në bashkinë e Fierit (VIDEO)
