Detaje te reja janë zbuluar nga aksidenti tragjik në Spanjë, ku ndërruan jetë dy futbollistët, Diogo Jota dhe vëllai i tij, Andre Silva.
Sipas policisë spanjolle, të gjitha provat e siguruara tregojnë se shoferi në momentin e aksidentit, ishte sulmuesi i Liverpool.
Autoritetet thonë gjithashtu se automjeti kishte kaluar ndjeshëm shpejtësinë e lejuar në rrugë (120 km/h), ndërsa po shqyrtohet edhe shenja e lëna nga njëra prej rrotave.
Policia spanjolle bën të ditur se raporti ende nuk është i plotë. Kujtojmë se Diogo Jota dhe vëllai i tij, Andre Silva, u përfshinë në një aksident tragjik mbrëmjen e së mërkurës, më 2 korrik, rreth orës 23:30.
Aksidenti ndodhi në autostradën A52, në komunën Cernadilla, në Zamora të Spanjës.
