Prej pesë ditësh, një vatër e madhe zjarri në zonën mes malit të Malçanit dhe Grazhdanit në Finiq vijon të jetë aktive, duke përfshirë sipërfaqe të konsiderueshme me bimësi dhe duke rrezikuar përhapje të mëtejshme.
Ditën e sotme ka nisur ndërhyrja nga ajri për të frenuar flakët, të cilat janë favorizuar nga temperaturat e larta dhe era e fortë në zonë.
Zjarret në Shqipëri janë bërë të zakonshme gjatë verës, për shkak të temperaturave ekstreme, thatësirës dhe zjarrvënieve të qëllimshme. Çdo vit, dhjetëra vatra përfshijnë sipërfaqe me pyje, kullota dhe shpesh rrezikojnë banesa e prona private.
