Një qytetar nga Tirana ka denoncuar një skandal të vërtetë përsa i takon faturimit abuzues të energjisë elektrike.
Qytetari në denoncimin e tij thekson se punonjësit e KESH dhe OSHEE nuk kontrollojnë më sahatet në terren por vendosin faturime me shifra të paimagjinueshme.
Sipas tij, në muajin maj fatura e energjisë ka arritur deri në 500 mijë lekë të vjetra, ndërsa në qershor ka rënë në vetëm 2 mijë lekë të vjetra, duke ngritur dyshime serioze për mënyrën e llogaritjes së konsumit.
“Shikoni çfarë bejne puntoret e KESH qe nuk vijne me i pare sahatet e dritave ne Tiranë. Ne maj 500 mije leke te vjetra, qershor 20 mije leke te vjetra. Punëtorët e OSHEE flejne gjume me taksat tona marrin rrogat. Kam shtëpi private por i vendosin sipas qejfit, nuk vijne me i pa fare”, shkruan qytetari në denoncimin për JOQ, teksa publikon edhe faturat më poshtë:
Qytetari që jeton në një banesë private shpreh indinjatën për faktin që punonjësit e OSHEE “flenë gjumë” me taksat e qytetarëve dhe marrin rroga pa kryer detyrat e tyre minimale.
Ai bën thirrje KESH të Erald Elezit dhe OSHEE të Enea Karakaçit për rikthimin e transparencës në faturimin e energjisë elektrike.
