E ardhmja e Nico Williams nuk do të jetë te Barcelona. Sulmuesi ka rinovuar me Athletic Bilbao-n, për 10 vitet e ardhshme.
Williams ka firmosur kontratën me baskët deri në vitin 2035. 22-vjeçari është lidhur me një kalim të mundshëm te Barcelona prej kohësh.
Madje në Spanjë thuhej që transferimi te katalanasit ishte gati dhe lojtari kishte pranuar ofertën. Kur pritej që Barcelona të bënte ofertën përfundimtare, ka ardhur edhe firma te Bilbao.
Klubi dhe Williams kanë rinovuar mes tyre, duke lënë “thatë” Barcelonën. Katalanasit dështojnë edhe një herë tjetër për të firmosur me lojtarin, të cilin e tentuan edhe një vit më parë.
