Salim Abubakar pritet të jetë futbollisti më i ri i ekipit të Skënderbeut. Mesfushori me origjinë nga Niger, ka vendosur që të mbyllë aventurën e tij me Sassuolo për të nisur një të re në Shqipëri.
Nëse do të konkretizohet do të ishte një goditje e rëndësishme kjo për Skënderbeun, klub i cili synon menjëherë rikthimin në elitë gjatë sezonin që vjen.
Me transferimin e 22-vjeçarit afrikan, Skënderbeu rrit kështu forcat në repartin e mesfushës.
Kujtojmë se Abubakar është një “prodhim” i Sassuolos, por ka luajtur edhe te një ekip tjetër italian në huazim. Afrikani ka mbajtur veshur fanellën e Pergolettese gjatë sezonit të shkuar pasi ishte në huazim nga Sassuolo.
