Një aksident i rëndë automobilistik është regjistruar pasditen e kësaj të premte në aksin rrugor Lezhë–Shkodër, pranë zonës së Kryebushatit.
Nga informacionet paraprake mësohet se dy automjete janë përplasur me njëra-tjetrën, në rrethana dhe shkaqe ende të paqarta.
Si pasojë e aksidentit, dyshohet se një person ka humbur jetën, ndërsa disa të tjerë kanë mbetur të plagosur dhe janë dërguar me urgjencë në spitalin e Shkodrës.
Mësohet se viktimë ka mbetur një prej drejtuesve të automjeteve, teksa bashkëshortja e tij, e cila ndodhej pasagjere në mjet, ka mbetur e plagosur dhe është në gjendje të rëndë.
Policia ndodhet në vendin e ngjarjes.
