Rreth 9 orë ka zgjatur seanca e sotme plenare, e cila ishte e fundit e kësaj legjislature të 10-të, pasi në shtator do të betohen deputetët e rinj që morën mandatin nga zgjedhjet parlamentare të 11 Majit.
Mazhoranca miratoi projekt-ligjet në rendin e ditës, ku mes tyre ishin dhe ndryshimet në buxhetin e vitit 2025. Për të disatën seancë rresht opozita nuk ishte e pranishme në sallë në momentin e votimit.
Më konkretisht, socialistët miratuan me 72 vota pro, 0 abstenim dhe 0 kundër në tërësi projektligjin “Për miratimin e Strategjisë Kombëtare kundër Ndërhyrjeve të Huaja dhe Dezinformimit”.
Socialistët miratuan aktin normativ të ndryshimeve në buxhetin e vitit 2025 me 71 vota pro, 0 absenim dhe 0 kundër.
Po ashtu, miratuan me 71 vota pro, 0 abstenim, 0 kundër projektligjin “Për aderimin e Republikës së Shqipërisë në marrëveshjen ndërmjet Këshillit të Ministrave të Bosnjës dhe Hercegovinës, qeverisë së Republikës së Bullgarisë, qeverisë së Republikës së Kroacisë, qeverisë së Hungarisë, qeverisë së Republikës së Maqedonisë së Veriut, qeverisë së Malit të Zi, qeverisë së Republikës së Serbisë, qeverisë së Republikës së Sllovakisë dhe qeverisë së Republikës së Sllovenisë për bashkëpunimin dhe koordinimin në fushën e kërkimit dhe shpëtimit ajror, nënshkruar në Ohër më 22.2.2023”.
Me 73 vota pro, 0 kundër dhe 0 abstenim socialistët miratuan edhe projektligjin “Për ratifikimin e vendimit nr. 2/2024 të Komitetit të Përbashkët të Marrëveshjes së Tregtisë së Lirë të Evropës Qendrore, “Për lehtësimin e tregtisë elektronike””.
Gjatë seancës së sotme u miratua gjithashtu me 73 vota pro, 0 abstenim, 0 kundër edhe projektligji “Për rezervat materiale të shtetit”.
Gjirhashtu, me 73 vota, 0 abstenim dhe 0 kundër të mazhorancës u miratua në tërësi edhe projektligjin “Për markat tregtare”, projektligji “Për patentat, modelet e përdorimit dhe certifikatat e mbrojtjes shtesë” dhe projektligji “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë””, i ndryshuar.
Ndërkohë, me 72 vota pro, 1 abstenim dhe 0 kundër u miratua projektligjin “Për administrimin e bashkëpronësisë në ndërtesa”.
Gjithashtu u miratua në tërësi me 72 vota pro, 0 abstenim, 0 kundër edhe projektligji “Për një ndryshim në ligjin nr. 7764, datë 2.11.1993 “Për investimet e huaja””, i ndryshuar.
