Presidenti i PL-së Ilir Meta, i cili prej tetorit 2024 ndodhet i arrestuar me urdhër në SPAK, ka bërë me dije se sot pas 20 ditësh, është takuar me motrën dhe dy vajzat e tij.
“Po sot, më në fund pas 20 ditësh, më lanë të takohesha me motrën dhe dy nga tre fëmijët. U mërzita fillimisht kur në takim pashë vetëm motrën dhe dy vajzat, por jo djalin”, shkruan ish-presidenti në Facebook.
Meta më tej thekson se pas bisedave telefonike në studiot televizive, atij tashmë duan t’i ndajmë fjalën.
Për këtë arsye, Meta ka bërë të ditur se tashmë kam vendosur të realizoj një formë të re komunikimi me publikun, me letra të hapura.
Teksa ka zbuluar se personazhi i parë që do t’i dërgojë letër publike, është ish-zv.kryeministri Arben Ahmetaj, i cili po ashtu është nën hetim nga autoritetet e vendit tonë dhe ndodhet në arrati.
Postimi i plotë:
Të dashur miq,
Sot u thirra sërish para një Komisioni Disiplinor, si gjyq ushtarak, për një gabim “shumë të rëndë”: Dje dhashë një intervistë në mesditë për gazetaren Aida Tancica në MCN TV, nga telefoni i Avokatit tim, Kujtim Cakrani.
Kur herën e parë fola me gazetaren Beti Njuma, më thanë ke shkelur rregulloren se ke folur pas orës 20:00, ndërkohë sot u thirra nga “Disiplina” për arsyen e vërtetë, se nuk duan të komunikoj me gazetarët.
Çfarë dallkaukësh! Mirë që ping-pongun ma kanë ndaluar, por tani duan të më ndalojnë edhe lirinë e fjalës.
Nuk mbaron me kaq.
Po sot, më në fund pas 20 ditësh, më lanë të takohesha me motrën dhe dy nga tre fëmijët. U mërzita fillimisht kur në takim pashë vetëm motrën dhe dy vajzat, por jo djalin.
Më sqaruan se Besi po priste jashtë se rregullorja nuk lejon më shumë se 3 veta në takim, kur ndërkohë gjatë 8 muajve, në një takim në javë që kam bërë me familjarët, siç do i paraburgosur tjetër, i kam takuar të 4-ët bashkë.
Në këto kushte, kur masat represive përforcohen çdo ditë me “risi”, kam vendosur të realizoj një formë të re komunikimi me publikun, me letra të hapura.
Nesër, letra e parë e hapur, do të jetë për Z. Arben Ahmetaj.
