Eksperti i sigurisë rrugore, Fatjon Softa tha se në plazhet shqiptare nuk ka ka roje dhe mjete të nevojshme për garantuar siguri.
Pavarësisht se propagandohet për “bum turistik” nga Rama, plazhet në vendin tonë nuk plotësojnë nevojat më minimale.
“Ligji për sigurinë në plazhe është shumë i rëndësishme për shumë ngjarje që kanë ndodhur dhe për të ruajtur sistemin e plazheve pasi kemi shpesh humbje jete, ku shumë mjete lundruese tejkalojnë perimetrin e sigurisë. Roja i plazhit është shumë i rëndësishëm ku çdo plazh duhet të ketë një person dhe mjetet e nevojshme. Pjesa më e madhe e plazheve kanë ose mosha të vjetra, ose djem të rinj që bëjnë detyra të tjera si shërbesa në bare apo marrin paratë e plazheve. Një roje në distancë me mjete kontrollon distancën ose shef notarët. Është edhe ndihma që jepet pasi dikush del nga uji”, tha Softa për Ora News.
