Anëtari i Kryesisë së PD, Grigels Muçollari, foli në lidhje me mungesën e sigurisë ushqimore në vend, duke e cilësuar si një skandal të përsëritur.
Ai kritikoi ashpër institucionet dhe qeverinë për mosveprim dhe theksoi rrezikun nga produktet e infektuara, si mishi me salmonelë.
“Do të thoja që ky është një prej skandaleve të shumta që kanë ndodhur të paktën këto dy muajt e fundit. Rasti i helmimit apo rasti i mosgarantimit të sigurimit ushqimor janë të përsëritura tashmë. Nuk ka sesi të ofrohet siguri ushqimore dhe nuk ka sesi institucionet të bëjnë punën e tyre, pasi përqasja e tyre është e gabuar, mënyra sesi funksionojnë është e gabuar, vëmendja e qeverisë thuajse është 0.
Kemi dhe raste të mishit që dalin të infektuar me salmonelë, që do të thotë ka humbur aftësia e shtetit, aftësia e organeve ligjzbatuese, aftësia e organeve të cilat duhet të garantojnë sigurinë e ushqimit. Vëmendja e tyre nuk është tek ofrimi i sigurisë ushqimore, ka 0 lekë të shtuar në buxhetin e shtetit për garantimin e sigurisë ushqimore. Dhe drejtorët e sigurisë ushqimore nuk kanë shkollimin përkatës. Kështu që ne duhet të themi: na ruajtë Zoti.” – tha Muçollari per SYRI TV.
Lexo edhe:
“Lufra” dhe “Erzeni” u kanë shitur shqiptarëve qumësht kancerogjen
Mashtrimi/ Kompania “Lufra” reklamon lopën Lara, por s’ka fermë
