Banka e Shqipërisë raportoi se numri i shqiptarëve që kanë një llogari të parasë elektronike u rrit me 76 për qind vitin e kaluar duke arritur në 270 mijë vetë. Biznesi i parasë elektronike po zgjerohet me shpejtësi, teksa qytetarët përfitojnë nga avancimet teknologjike për të kryer veprimet financiare, si pagesat utilitare apo dhe transfertat e ndryshme.
Ato që po përfitojnë më shumë nga ky fenomen, janë kompanitë që ushtrojnë veprimtarinë e emetimit të parasë elektronike. Sipas Bankës së Shqipërisë, aktualisht në Shqipëri 10 kompan që emetojnë para elektronike. Më e madhja ndër to ështe Easy Pay. Por subjekte të tjera, që ushtrojnë këtë aktivitet janë Paysera, Ereja, Rubicon, Soft & Solution, BKT Pay, Iute Pay si dhe Posta Shqiptare.
Ndërkohë në fushën e pagesave elektronike ushtrojnë aktivitet 5 kompani, të cilat janë Noa, AK Invest, Fed Invest, M-Pay dhe Raea.
Të dhënat zyrtare të BSH tregojnë transaksionet e pagesave për vitin 2024 kanë njohur rritje në volumin e qarkulluar dhe numrin e transaksioneve. Sipas BSH, gjatë vitit të kaluar shqiptarët kryen mbi 3.1 miliardë transaksione pagesash, ku pesha më e madhe është e transfertave nga jashtë, ndërsa kompanitë e kësaj fushe fituan 16 milionë euro neto./ Kapitali.al
