Deputeti i PD, Asllan Dogjani shprehet se zgjedhjet e 11 majit, treguan një vullnet të deformuar të qytetarëve shqiptarë, të cilin sipas tij e legjitimoi si vjedhje edhe vetë Komisioni i Ankimimeve dhe Sanksioneve.
Dogjani tha se KAS ka përdorur dy standarde gjatë procesit të rinumërimit të votave, duke favorizuar Partinë Socialiste.
Për Dogjanin, standardet e dyfishta të KAS u përdorën me qëllimin e vetëm, legjitimimin e votës dhe presionit, si për të thënë që në këtë proces jemi të gjithë të barabartë.
Partia Demokratike, theksoi Dogjani, nuk do ta ndalë betejën e saj të së vërtetës, duke bërë të mundur nxjerrjen e çdo prove, kundër asaj që e cilëson si ‘fillimi i fundit të PS’.
Dogjani ngriti edhe alarmin për një nismë të PS, atë për ‘dezinformimin’, që sipas tij u kalua në Komisionin e Sigurisë dhe që do të përfshihet në Kodin Penal, për agjitacion e propagandë.
“Shohim një vullnet të deformuar të qytetarëve. Gjatë rinumërimit të 11 majit, u legjitimua vjedhja nga KAS. Unë jam një nga personat që ka ankimuar procesin, për të parë pasojat e asaj fushate elektorale. Kam parë se si kryqi ishte vendosur nga e njëjta dorë në fletë votimi, kam parë trenin bullgar. Gjatë rinumërimit, unë bëra një analizë të pamjeve filmike, pashë që vota ishte deformuar. Në këto kushte të deformimit të votës, që është lejimi, ishte bërë në shumë raste që votat e PD kishin kaluar te PS, kam bërë ankimimin.
Gjatë rinumërimit, një votë që ishte shprehur vullneti qartë nuk mund ta quash të pavlefshme, dhe këtë e bëri KAS, që shpalli pavlefshmërinë. Të gjitha votat që sot KAS me mbylljen e rinumërimit, rezulton që votat i qenkan shtuar PD më 11 maj, në mënyrë kategorike jo. Këto ishin konsideruar të pavlefshme nga komisionerët më 11 maj.
Me të njëjtat standarde kur ne kontestonim votat e PS, ata e konsideronin votën tonë të pavlefshme. Përdoren dy standarde për të legjitimuar votën e 11 majit. Mund të ketë gabime njerëzore, por KAS kishte për detyrë të hetojë e të vendosë sanksione. E jo të marrë vendime të pavlefshme në kundërshtim me ato që ishin trajnuar numëruesit. U përdorën këto standarde për të legjitimuar votën, presionin e për të thënë që këtu jemi njëlloj.
Edhe pse sot kanë mbyllur një rinumërim votash, kjo betejë për të vërtetën s’do ndalet,. PD do të nxjerrë çdo provë, e beteja do vazhdojë. S’do dorëzohemi, është fillimi i fundit të PS. Pas 12 vitesh të arrish të manipulosh votat, në një vend si Shqipëria ku shqiptarët kanë ikur pa marrë të drejtën e votës, drejtësisë apo atë që u takon, sepse ne jemi në diktaturë.
Në komisionin e sigurisë, kaloi një nismë për ligjshmërinë e ‘dezinformimit’ për agjitacion e propagandë. Po mundohet që këtë diktaturë, s’mund të ndryshojnë, këtë metodë kanë. S’janë votat e qytetarëve të Tiranës, s’janë përfaqësuesit e tyre. Çdo parti përballë një partie korrupsioni, çfarë duhet të bëjë opozita?!
Është modeli dhe filozofia e Ramës, e s’mund të shkëputet nga kjo filozofi. Që më 2013 kishte ardhur. Berisha e lëshoi pushtetin, dhe Rama organizoi aleancën e krimit. Të njëjtën formë ka përdorur Rama, por duke ndryshuar stilin, duke organizuar në forma të ndryshme.
Dimë bandat që dolën publikisht, Troplini e Xhabafta, por cfarë grupesh kriminale kanë dalë. Fieri, Vlora, Shkodra. Goditja e grupeve kriminale në Shkodër ndikoi pak pozitivisht. Kemi gr.kriminale të Tiranës, janë përdorur të gjitha sepse s’ka asnjë lloj mundësie që në një vend si Shqipqëria, kam info se çfarë bëhet me buxhetin e shtettit, me padrejtësi ndaj qytetarëve, dhe ky arrin të marrë 83 deputetë, s’ka asnjë lloj logjike politike e njerëzore. I ka marrë përmes parave, janë hedh aq shumë, është çmenduri e madhe, me shifra marramendëse. Janë paguar në të gjithë Shqipërinë”, tha Dogjani per SYRI TV.
