Avokati i Popullit mbushi pak ditë më parë 25 vjet nga krijimi. Por 25-vjetori i themelimit e gjen institucionin e mbrojtjes së të drejtave të njeriut në vend, me politikën të paaftë të gjejë konsensus për të zgjedhur titullaren, në një kohë kur Erinda Ballanca vazhdon në detyrë pa mandat prej 3 vitesh.
Për 25-vjetorin u organizua edhe një festë e cila është cilësuar si një turp kombëtar nga juristi Ylli Manjani pasi më shumë ngjante si një event mode. Manjani shprehet se ky event ishte fyerje e rëndë e misionit të Avokaturës së Popullit.
“Ejjjj. Po flasim për Avokatin Popullit, të hallexhinjve dmth dhe jo për avokatin e industrialistëve. Fjala vjen në vend të ishte e pranishme nana Lizë që e nxorrën nga shtëpia me dhunë ekstreme, ishin politikanë e influencera të veshur, mbathur e parfumosur shik.”- thekon Manjani.
Statusi i plotë:
Më dolën para syve disa video nga festimi glamoroz i 25 vjetorit të Avokaturës së Popullit.
Ua ua ua ua ua ua…
Ishte fiks si event mode, ku të ftuarit, gra e burra, sfilonin me veshje të stiluar dhe, bënin foto me Avokaten e këtij populli në një stendë që ngjante si event mode.
Ejjjj. Po flasim për Avokatin Popullit, të hallexhinjve dmth dhe jo për avokatin e industrialistëve. Fjala vjen në vend të ishte e pranishme nana Lizë që e nxorrën nga shtëpia me dhunë ekstreme, ishin politikanë e influencera të veshur, mbathur e parfumosur shik.
Nuk e di,dmth po ai event ishte fyerje e rëndë e misionit të Avokaturës së Popullit. Ishte fyerje për për Lizën e të gjithë ata që kanë një hall për të cilin Avokatin e Popullit duhet ta kenë në krah dhe jo në pasarelë mode.
Po e le me kaq këtë përshkrim, se nuk e di se kur e si mund ta mbyll.
Unë nuk jam populist dhe nuk ka ç’a më duhet fare populizmi, por turp i madh ishte ai event.
