Një vatër zjarri është regjistruar pasditen e sotme në Ksamil, në një zonë pranë një resorti turistik.
Flakët janë përhapur me shpejtësi për shkak të erërave të forta dhe temperaturave të larta që kanë përfshirë rajonin gjatë ditëve të fundit.
Ndonëse zjarri është afruar pranë objekteve të banuara dhe ambienteve turistike, fatmirësisht nuk raportohet për persona të lënduar apo dëme materiale në banesa apo struktura të tjera.
Ky nuk është rasti i vetëm në jug të vendit. Vetëm në 24 orët e fundit janë raportuar disa vatra aktive zjarri, përfshirë një tjetër në fshatin Çukë të Sarandës, ku situata mbetet e ndjeshme për shkak të terrenit të thyer dhe kushteve të pafavorshme atmosferike.
