Tirana i ka hapur rrugë Walid Jarmounit. Drejtuesit e bardhebluve i kanë dhënë leje francezit që nga tani e në vazhdim së bashku me menaxherët të gjejë klubin ku do të luajë.
Sipas shtypit të shkruar, Tirana është lodhur me kapriçot e sulmuesit, kërkesat e tij për transferimin, rrogën që do të fitojë, dhe në këto kushte i ka dhënë mundësinë që ta gjejë vetë ekipin dhe t’i japë Tiranës shumën që kërkon për kartonin e tij.
Me këtë lëvizje, bardheblutë i kanë bërë dalje golashënuesit të skuadrës, cili gjatë gjithë sezonit të shkuar pati goxha ulje-ngritje si në lojë, dhe sjellje.
Gjatë këtyre ditëve, Jarmouni ka refuzuar një ofertë nga Rusia. Më saktë ka qenë skuadra e FC Soçit që militon në Kategorinë e Parë, e cila ka dashur të blejë francezin për rreth 350 mijë euro.
Në fillim, Jarmouni ka thënë “po”, ndërsa më pas është tërhequr, pikërisht në momentin e firmës.
