Një 33-vjeçarre është arrestuar nga policia në Lezhë për mashtrim.
‘Blutë’ bëjnë me dije se 33-vjeçarja Donika Curri, prezantohej si përfaqësuese e një shoqate bamirësie për nëna me fëmijë të mitur, duke u kërkuar fotokopje të kartës së identitetit me premtimin e dhënies së ndihmës mujore.
Po më pas sipas policisë, Curri duke përdorur të dhënat personale të shtetasve që kishte mashtruar, aplikonte dhe përfitonte kredi në institucione të ndryshme financiare.
Ndërsa u bë me dije se ndaj Donika Currit, ishin bërë 16 kallëzimeve të mbërritura nga qytetare të ndryshme që ranë pre e kësaj skeme mashtrimi.
“Sipas hetimeve paraprake, shtetasja D. C., banuese në Tiranë, prezantohej si përfaqësuese e një shoqate bamirësie për nëna me fëmijë të mitur. Ajo mashtronte viktimat duke u kërkuar fotokopje të kartës së identitetit me premtimin e dhënies së ndihmës mujore. Më pas, duke përdorur të dhënat e tyre personale, aplikonte dhe përfitonte kredi në institucione të ndryshme financiare.
Operacioni policor është rezultat i administrimit të shpejtë të 16 kallëzimeve të mbërritura nga qytetare të ndryshme që ranë pre e kësaj skeme mashtrimi.
Gjatë kontrolleve janë sekuestruar dokumente bankare që pasqyrojnë transfertat e parave të përfituara nga kreditë, të cilat ishin derdhur në një llogari të administruar nga vetë e dyshuara.
Policia njofton se hetimet vijojnë për të dokumentuar tërësisht skemën kriminale dhe për të identifikuar të mundshëm bashkëpunëtorë të saj”, njoftoi policia.
