Vijon prej tre ditësh zjarri masiv që ka përfshirë zonën me shkurre dhe pemë të fshatit Pilur, në Bashkinë e Himarës, ku pavarësisht përpjekjeve të zjarrfikësve, flakët ende nuk janë izoluar.
Sipas informacioneve të fundit, mësohet se era e fortë ka favorizuar përhapjen e zjarrit, duke e bërë më të vështirë vënien nën kontroll të vatrave.
Bëhet me dije se në orët e para të mëngjesit të sotëm, drejtimi i zjarrit ka ndryshuar dhe po përparon në drejtim të Porto Palermos, duke e rrezikuar këtë zonë turistike.
