Policia e Elbasanit ka reaguar pas ngjarjes së rëndë të ndodhur këtë të hënë, ku një trup i pajetë u gjet në rrjedhën e lumit Shkumbin, pranë zonës së Katundit të Ri.
Sipas informacionit të uniformave blu, rreth orës 14:30 është marrë njoftimi se një shtetas i moshuar ishte konstatuar i mbytur në ujërat e lumit.
Trupi i pajetë, ende i paidentifikuar, është dërguar në morgun e spitalit të Elbasanit për kryerjen e ekspertizës mjeko-ligjore. Dyshohet se viktima ka humbur jetën disa ditë më parë.
