Pas publikimit të një videoje në rrjetet sociale ku shihet një punonjës i Policisë Bashkiake të Beratit duke goditur një qytetar, janë kryer hetimet e nevojshme dhe është nisur procedimi në gjendje të lirë për të dy personat e përfshirë.
Pavarësisht se efektivi e qëllon me grushte duke hedhur “knock out” në tokë qytetarin, policia bashkiake e Beratit justifikon dhunën dhe shkeljen e ligjit duke deklaruar se të dy kanë rrahur njëri-tjetrin.
Me të vërtet pamje skandaloze ku policia duhet të jetë shembull i sjelljes qytetare, kurse në Berat ndodh e kundërta. Efektivi sillet si një “vagabond” duke qëlluar me grusht qytetarin i cili në rast se ka shkelur ligjin nuk duhet të dhunohet por të prangoset dhe më pas shoqërohet në komisariat për veprime të mëtejshme.
“Në lidhje me një video të postuar në rrjetet sociale, në të cilën shfaqet një punonjës i Policisë Bashkiake duke goditur me grushte, 1 qytetar, sqarojmë se u kryen hetimet e nevojshme në lidhje me rastin dhe në përfundim të tyre, nisi procedimi në gjendje të lirë për shtetasin A. T., 36 vjeç dhe për punonjësin e Policisë Bashkiake, shtetasin Q. N., 54 vjeç, pasi dyshohet se si pasojë e mosmarrëveshjes në lidhje me një masë administrative, kanë goditur me grushte, njëri-tjetrin”, njofton policia.
Një punonjës i Policisë bashkiake dhe një qytetar janë përfshirë në një konflikt fizik ditën e sotme në qytetin e Beratit.
Sherri ka ndodhur rreth 15 minuta më parë pranë ish-pallatit të kulturës, për arsye ende të paqarta. Sipas raportimeve nga dëshmitarë të ngjarjes, i pari që… pic.twitter.com/LWwSBSxqC7
— JOQ Albania (@JoqAlbania) June 19, 2025
Lexo edhe:
Polici i bashkisë qëllon me grusht dhe hedh “knock out” qytetarin në Berat/ VIDEO
