Komisioni Qëndror i Zgjedhjeve ka përditësuar rezultatin pas rinumërimit të 48 kutive për Qarkun e Tiranës për zgjedhjet e 11 Majit, teksa procesi po vijon.
Nga rinumërimi ka rezultuar se deri më tani Partisë Socialiste i ishin numëruar 38 vota më shumë më 11 Maj, ndërsa Partisë Demokratike 11 vota më shumë. Pas rinumërimit ato vota u janë hequr këtyre dy subjekteve politike.
Ndërkohë, Partisë Mundësia dhe Koalicionit Euroatlantik u janë shtuar nga dy vota pas rinumërimit, ndërsa Lëvizjes Bashkë i është hequr një votë.
KLIKO LINKUN KËTU për t’u njohur me rezultatin e rinumërimit në kohë reale.
Kujtojmë se procesi i rinumërimit po zhvillohet në Pallatin e Sportit “Fahrie Hoti”. Për qarkun më të madh në vend, atë të Tiranës do të rihapen në total 1282 kuti votimi për subjektet politike dhe kandidatët.
Procesi në kryeqytet pritet të zgjasë rreth 10 ditë. Pas përfundimit të kësaj faze, do të fillojë rinumërimi në qarkun e Fierit me 587 kuti, e më pas në Durrës, ku do të shqyrtohen 360 kuti votimi, përfshirë 85 kuti që vijnë nga diaspora.
