Fatmira Buçpepa, një qytetare nga Rrësheni, është drejtuar në emisionin “Stop” pasi ish-bashkëshorti me me të cilin ka tre fëmijë të moshës 9, 6 dhe 5 vjeç, nuk paguan pensionin ushqimor të vendosur nga gjykata. Kjo e fundit ka vendosur që Fatjon Beci duhet të paguajë çdo muaj 300 mijë lekë të vjetra për të tre fëmijët dhe prej tetorit 2023, ai nuk ka kryer pagesa.
Fatmira tregon gjendjen e vështirë,pasi jeton vetëm me 100 mijë lekë ndihmë ekonomike dhe me ndihmën e familjes. Ajo thotë se nuk mundet të punojë me kohë të plotë prej fëmijëve, por kërkon një punë me kohë të pjesshme.
“Stop” drejtohet në bashkinë Mirditë, ku kryetari Albert Mëlyshi thotë se ka 600 kërkesa për sanitare dhe bashkia nuk ka vende pune, por do ta ndihmojë nëpërmjet sektorit privat. Fatmira bisedoi me ish-bashkëshortin, por ai nuk jep arsye për mospagesën e pensionit të fëmijëve.
Fatjon Beci: Alo!
Qytetarja: Alo, përshëndetje, Fatmira jam.
Fatjon Beci: Më fal, a mund të më marrësh më vonë se jam në një vdekje? Numrin tim e ke dhe më merr.
Qytetarja: Jo, doja të të pyes tani. Pse nuk i ke bërë pagesat e fëmijëve? T’i takosh do ti….
Fatjon Beci: Ke pyetje tjetër?
Qytetarja: Pyetje kam shumë, por këtë pyetje po të bëj unë.
Fatjon Beci: Këtë pyetje, e ke marrë përgjigjen, kur ishe në gjykatë. Je në rregull?
Qytetarja: Kur në gjykatë? S’kam qenë në gjykatë asnjëherë me ty.
Fatjon Beci: Jo, me mua jo, por ke pasur avokatin tim dhe avokatin…Kanë qenë dy avokatët tanë, apo jo?
“Stop” shkon në zyrën përmbarimore Durrës, ku përmbaruesi Marsel Himallari thotë se janë bërë të gjitha procedurat, por Fatjon Beci nuk ka asnjë pronë dhe nuk ka para në asnjë llogari, prandaj Fatmira duhet të bëjë një kallëzim penal ndaj tij.
/Emisioni Stop
