Një aksident i rëndë ka ndodhur sot në aksin rrugor Manzë – Gjiri i Lalzit.
Burimet mediatike bëjnë me dije se dy mjete të markës “Benz” janë përplasur fuqishëm, duke lënë të plagosur 4 të rinj.
Nga përplasja, një nga “Benz”-at ka goditur automjetin tjetër, ku ndodheshin një 18-vjeçar dhe tre adoleshentë të moshës 15 vjeç.
Sipas informacioneve paraprake, adoleshentët janë jashtë rrezikut për jetën, ndërsa drejtuesi i njërës prej makinave, i cili ka pësuar fraktura të shumta në gjymtyrë, është dërguar në spital në gjendje të rëndë.
Policia ka nisur hetimet për të zbardhur shkaqet e këtij aksidenti.
