Një vatër zjarri u shfaq këtë mesditë pranë godinave të Operatorit të Sistemit të Transmetimit në Elbasan.
Zona ku u përhap zjarri ndodhet në afërsi të linjave me tension të lartë 110 kV, 150 kV, 220 kV dhe 400 kV si dhe nënstacioneve përkatëse që përfshijnë pajisje dhe sisteme të rëndësishme për transmetimin e energjisë elektrike në vend.
Dyshohet se një qark i shkurtër në rrjet mund të ketë qenë shkaktari i mundshëm.
Fatmirësisht, flakët u izoluan dhe u shuan në kohë duke shmangur kështu çdo dëm në nënstacione apo në linjat e transmetimit dhe në njerëz.
Autoritetet janë duke hetuar më tej për të zbuluar shkaqet e sakta të incidentit.
