Skuadrat shqiptare kanë mësuar kundërshtarët në turin e parë kualifikues në Conference League.
Vllaznia sfidon letonezët e BFC Daugavpils. Takimi i parë do të luhet në Letoni, ndërsa ai i kthimit në Shqipëri.
Partizani do të përballet me Nõmme Kalju nga Estonia një short me fat ky për skuadrën e Skënder Gegës. Ndeshja e parë për të kuqtë e kryeqytetit do të luhet në transfertë, ndërsa ajo e kthimit në Shqipëri.
Skuadra tjetër nga Shqipëria, Dinamo e nis rrugëtimin nga turi i dytë, diçka që u vendos nga UEFA, pasi Drogheda United u përjashtua nga turneu për shkak të thyerjes së rregullave të pronësisë së dyfishtë.
