Arrestohet Franci Canaj i shpallur në kërkim që prej 9 prillit të këtij viti është arrestuar sot nga policia e Tiranës.
Canaj dyshohet se qëlloi me armë zjarri ndaj taksistit 29-vjeçar Gerald Hoxha pas sherrit se i kishte zënë parkimin në rrugën e Dibrës në kryeqytet.
“Specialistët për Hetimin e Krimeve të Rënda ekzekutuan vendimin e Gjykatës së Tiranës, për ndalimin e shtetasit Franci Canaj, 32 vjeç, për veprat penale “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe municionit”. Ai akuzohet se më datë 09.04.2025, gjatë një konflikti për motive të dobëta, ka plagosur në këmbë, me armë zjarri, shtetasin G. H., 29 vjeç”, njofton policia e Tiranës.
Ndërkohë autori i ngjarjes, Franci Canaj rezulton me precedentë të mëparshëm penal. Në 2016 ka qenë i arrestuar në Itali për drogë dhe prostitucion.
