Analisti Armand Shkullaku dhe sekretari i Përgjithshëm të PS-së, Blendi Klosi, janë përplasur në një debat televiziv mbrëmjen e sotme.
Shkullaku tha se mazhoranca futi në burg para zgjedhjeve drejtues të opozitës, ndërsa vendi u fut në zgjedhje me media nën kontroll dhe me bandat që bënin fushatë e mblidhnin vota për PS-në.
‘Fakti që opozita nuk i ndryshon liderët e vet.
Fakti që gjysëm milionë shqiptarë besojnë tek Sali Berisha kjo nuk do të thotë që ta mbash 1 vit në izolim.
Ideja është se, dikush që ka një çikë cipë, nuk thotë që, le ti bëjë 800 mijë, të shkojë në burg, punë e madhe.
Ne na shqetëson deformimi që po i bëhet demokracisë, përfaqësimi politik, qoftë dhe në partin tuaj. Pra ju do keni qeveri që ti vetë nuk i njeh gjysëm.
Na intereson se sa vota mori PS apo PD në atë proces paçavure si ai aty, apo në çfarë kushtesh hymë në garë ne sot.
Hymë në kushte të barabarta, të drejtë dhe kush është më i forti të fitojë. Por ti nuk futesh në ndeshje të barabartë.
Ti hyn me lider të opozitës në burg, me gjithë mediat e kontrolluara, me gjithë bizneset nën kontroll dhe gjithë banditët nën kontroll.
Ju keni hyrë në histori me dosjen e Avdylajve, Dibrës, Suel Çelës, Metamorfoza. Ai thotë po bëj ca vota për Taulantin dhe po marrim tendera nga Rrogozhia ne Peqini.
Bajrat të njëjtën gjë, Avdylajt të njëjtën gjë dhe ti thua në kushte të barabarta. Ti ke 35 vjet në PS dhe deri sa të vdesësh nuk do të marrësh vota kurrë sa mori Sara Mile. Kurrë nuk për të marrë ndonjëherë’, tha Armand Shkullaku gjatë debatit në SYRI TV.
