Në katër mujorin e parë të këtij viti, në Komisionin e Prokurimeve Publike, janë adresuar 307 ankesa nga operatorët ekonomikë. Ndërkohë, që në prill, janë përllogaritur 84 të tilla, ndërsa vihet re një rritje e numrit të ankesave, krahasuar me tre muajt e kaluar. Por, duke e krahasuar me katër mujorin e parë të vitit të kaluar, ky vit ka shënuar rritje, me rreth 10 ankesa më shumë.
Por për çfarë janë ankuar në muaj prill më shumë operatorët ekonomikë?
Referuar të dhënave të Buletinit Mujor, duke përllogaritur ankesat, sipas fazës së procesit për të cilën është paraqitur ankimimi, 60 ankesa janë për vlerësim ofertash, 23 për Dokumentet Standarde të Tenderit, ndërsa 1 për të tjera.
Nga ana tjetër, duke i kategorizuar sipas llojit të kontratës, 59 janë për mall, 19 për shërbime dhe 6 janë për punë publike. Ndërkohë, pushteti vendor, vijon të kryesojë me numrin më të lartë të ankesave, nga ku llogariten 45 të tilla, 20 ankesa janë nga operatorë ekonomikë të pavarur, 12 ankesa janë nga pushteti qëndror, dhe 7 janë nga shoqëri aksionare.
Për t’u ndalur në tarifat financiare, në katër mujorin e parë të këtij viti janë afërsisht, janë përllogaritur afërsisht 21 milionë lekë tarifa financiare për t’u derdhur në Buxhet të Shtetit në përfundim të shqyrtimit të procedurave të prokurimit. Por, në muajin prill rreth 20.9 milionë lekë janë tarifa financiare të arkëtuara si garanci për procedura prokurimi ndërsa tarifa financiare të kthyera ndaj operatorët ekonomikë në përfundim të shqyrtimit të procedurave të prokurimit janë 8.5 milionë lekë./SCAN
