Në një kohë kur kryeministri dhe ministrja e Shëndetësisë, Albana Koçiu, vazhdojnë të trumbetojnë me krenari se shëndetësia shqiptare po ecën drejt standardeve europiane, realiteti në terren tregon spitale në kushte të mjerueshme, mungesë higjiene dhe pajisje të vjetruara.
Një qytetare ka denoncuar publikisht gjendjen e Spitalit të Beratit, duke e përshkruar si një vend të mbytur nga pisllëku, ku jo vetëm njerëzit, por edhe pemët po sëmuren nga papastërtia. Qytetarja ka dërguar edhe video në redaksinë e JOQ Albania ku shihet qartë realiteti i hidhur.
Shihet një tablo e zymtë që nuk i përket një spitali modern europian, por një spital ku jeta e pacientëve është shpesh në mëshirë të fatit, ndërsa po rek dhe natyrën jashtë godinës spitalore.
“Spitali i beratit, po semuren dhe pemet nga pisllëku”, shkruan qytetarja.
E në këto kushte, shpesh të denoncuara nga qytetarët, shpesh të provuar nga vetë ne, në vend të investimeve reale, shohim më shumë propagandë qeverie, më shumë ceremoni hapjeje spitalesh të reja, që në fakt janë godina të vjetra me fasadë të lyera.
Premtimi për një shëndetësi falas dhe të denjë për qytetarin europian ka mbetur një slogan i zbrazët i qeverisë aktuale që po me këto kushte që na ofron, siguroi dhe një mandat të katërt katërvjecçar në krye të shtetit./ JOQ
