Avokati Genc Gjokutaj ka komentuar hetimet nw SHBA ndaj dosjes “McGonigal” ku është i përfshirë edhe kreu i qeverisë shqiptare Edi Rama.
Gjatë intervistës në Syri TV, Gjokutaj nuk kurseu kritikat ndaj SPAK-ut për të cilin tha se nuk guxon që ta marrë në pyetje Edi Ramën pavarësisht se emri i kryeministrit përmendet 14 herë në aktakuzën amerikane.
“Po të jetë për imazh, këtu Rama i ka larë duart qysh prej 12 vjetësh. Nuk diskutohet imazhi, këtu diskutohet që kryeministri i Shqipërisë është ligjërisht përgjegjës ose jo. Ky është gjithë thelbi i çështjes këtu. Është përmendur emri i tij 14 herë në aktakuzën amerikane. Por nuk është shkuar më tutje për të vepruar për tu marrë në përgjegjësi. Ne e kemi thënë që dy vjet përpara. E kemi ngritur në media që autoritetet shqiptare nuk i pengonte asgjë që ti kërkonin, vetëm për këtë shkak që përmendja e emrit të kryeministrit, vetëm për këtë shkak të merrte me letër porosi materialet hetimore të autoriteteve amerikane. Fashikullin e hetimit, pse jo edhe të gjykimit dhe të kërkonte nëse do të kishte kryeministri përgjegjësi apo jo. Por si në Uashington nën Sorosin dhe Biden, si në Tiranë nën Ramën dhe Dumanin, e kuptoni është e njëjta situatë. Ata e zgjidhën sepse kanë filluar hetimin. Ndërsa neve jemi prapë në të njëjtin kalë pa ja zbritur. Kemi këtë SPAK i cili nuk guxon ta thërrasë dëshmitar Ramën e jo ta vërë përballë akuzave kaq të rënda referuar çështjes McGonigal”, tha Gjokutaj.
