Në ditët në vijim kombëtarja italiane e futbollit do të ketë një trajner të ri, ku emri më i përfolur është ai i ish-futbollistit Gennaro Gattusso.
47-vjeçari është takuar me presidentin e federatës dhe drejtues të tjerë, ku ka shpalosur planin e tij për ngritjen e kombëtares në majat e futbollit botëror, e duket se i ka bindur të gjithë.
Sipas mediave përtej Adriatikut, Gattusso vlerësohet maksimalisht, si një teknik me shumë potencial, i karakterizuar nga disiplina dhe me idetë e qarta se çfarë do të kërkojë nga futbollistët.
Notat ndaj tij janë pozitive, sidomos në një situatë ku Claudio Ranieri refuzoi të merrte detyrën e trajnerit, duke i qëndruar besnik Romës. Vetëofrimi i Roberto Mançinit nuk u mor parasysh, pavarësisht se i shpallio “axurrët” kampionë evrope, largimi i tij mes polemikash i ka mbyllur derën në kombëtare.
Në këtë pikë, alternativa e vetme serioze mbetet Gattusso, i cili që prej 2013 ka mbajtur postin e trajnerit në disa skuadra të ndryshme mes tyre Milani dhe Napoli.
Më herët u përfol dhe për Stefano Piolin, por ditë pas dite emri i tij u zbeh, duke parë më pranë kësaj detyre, Gattusson.
