Avioni i rrëzuar sot në Indi dhe ku humbën jetën mbi 300 persona, u nis nga Aeroporti Ndërkombëtar Sardar Vallabhbhai Patel në orën 13:38 me 242 pasagjerë dhe anëtarë të ekuipazhit në bord, por rënie ka shkaktuar edhe viktima të tjera, pasi ra në një qendër studentore.
Me viktimave në vion ishte edhe një çift mjekësh dhe 3 fëmijët e tyre të vegjël. Komi Vyas, një mjeke që punonte në një spital në Udaipur, kishte lënë punën dhe po transferohej për t’u bashkuar me bashkëshortin e saj, Dr. Prateek Joshi, në Londër me tre fëmijët e tyre.
Telefoni i mjekes mund të mos gjendet kurrë ose mund të jetë djegur në flakën e zjarrit, por një selfie e postuar nga ana e saj do të jetojë si një kujtesë e tragjedisë që u ndodhi 242 personave që ishin në aeroplan.
Selfie në avionin e fatkeq, tregon çiftin e ulur në njërën anë, duke buzëqeshur, dhe djemtë e tyre të vegjël binjakë dhe vajzën e madhe të ulur në anën tjetër të korridorit, të gjithë të buzëqeshur.
Njerëz pranë familjes thanë se si Dr. Komi Vyas ashtu edhe Dr. Prateek Joshi punonin në Spitalin Paqësor në Udaipur. Dr. Joshi ishte transferuar në Londër disa kohë më parë dhe ishte kthyer në Bansëara në Rajasthan në fillim të kësaj jave për të marrë familjen me vete. Djemtë binjakë të çiftit – Nakul dhe Pradyut – ishin pesë vjeç dhe vajza e tyre, Miraya, ishte tetë vjeçe.
