Sali Berisha replikoi ditën e sotme në distancë me kryeparlamentaren Elisa Spiropali e cila përshëndeti raportin e Parlamentit Evropian, si pozitive për Shqipërinë.
Berisha shprehet se raporti damkos Edi Ramën se ka krijuar një narko shtet. Sipas kryedemokratit, Spiropali trillon dhe mashtron duke lexuar fjalime të zyës së shtypit të Ramës, pasi raporti thekson se zgjedhjet janë zhvilluar në kushte të pabarabarta.
“Edi Rama nxori dje mis metamorfozën apo pëllumbeshën Spirogjokën për një mashtrim publik para shqiptarëve. Për të kryer një akt publik para qytetarëve. Miss metamorofoza e cila lexon çdo trillim dhe mashtrim që i përcjell Skënderbuçi i saj, falënderoi në një akt hipokrizie ekstreme për raporton që do miratoj PE në korrik për Shqipërinë. Kur nuk ke cipë, nuk njeh kufij, nuk njeh standard, kriter. Nëse ka në këtë raport, njerëz të personalizuar me akte janë Edi Rama, mis metamorfoza dhe Altin Troplini. Këta në raport janë 3 personazhet më kryesor të damkosura dhe më lejoni ti marr me radhë.
Rama damkoset sepse ka krijuar shtetin elektoral. Raporti që do i kalojë PE i referohet pikë për pikë paragrafit të parë të raportit të OSBE ODIHR, delegacionit të KiE, OSBE, në të cilën thotë se zgjedhjet u zhvilluan në kushte të pabarabarta. Barazia në fushatë elektorale është kriteri i të gjithë kritereve. Raporti damkos Edi Ramën, jo vetëm se deklaron se fusha ishte e pabarabartë, por se thotë u përdor gjerësisht, burimet e shtetit për fushatë nga partia në pushtet. Raporti akuzon Ramën se ka krijuar shtetin elektoral, shndërrimi i procesit në farsë elektorale.”- tha Berisha.
