Anëtari i këshillit bashkiak të Tiranës Jonathan Pano ka komentuar zhvillimet në bashkinë e Tiranës pas arrestimit të Veliajt dhe kërkesës së opozitës për shkarkimin e tij.
Jonathan Pano: Një nga pikat që u kërkua nga opozita për tu bërë pjesë e rendit të ditës, patjetër që ishte edhe shkarkimi i Erion Veliajt, tashmë rezident në Durrës. Kanë kaluar tashmë 4 muaj nga mos prezenca e tij në detyrë dhe ligji për vetë qeverisjen vendore e përcakton qartë që në mosprezencën e kryetarit të bashkisë për tre muaj pa ndërprerje, atëherë Këshilli Bashkiak bën kërkesë për shkarkimin e tij. Kërkesa i kalon Këshillit të Ministrave i cili miraton, dhe Bashkia e Tiranës shkon në zgjedhje të parakohshme.
Pyetja ime e cila u ngrit edhe dje është se të kujt janë këto projekt vendime. Ne kemi miratuar disa projektvendime dje, kemi debatuar për disa projekt vendime, kemi kundërshtuar disa, por të kujt janë. Sepse ligji e përcakton qartë që kryetari i bashkisë është ai person që është zgjedhur me votën e qytetarëve për ti përfaqësuar këta qytetarë. Për momentin që kryeqyteti i Shqipërisë Tirana ka kryetarin e saj në burg prej 4 muajsh, atëherë kemi nevojë që të çlirohemi nga ky ngërç dhe Tirana të shkojë në zgjedhje të parakohshme dhe Tirana të zgjedhë një kryetar të ri.
U bë një kerkesë për mocion për debat pasi emisioni Piranjat nxori përdorimin e aseteve dhe mjeteve të bashkisë nga zonja Ristani për qëllimet e veta personale dhe familjare. Dje zonja Ristani nuk ishte në mbledhje, erdhi zoti Seferi që bëri përfaqësimin e bashkisë nga ana institucionale por gjithashtu edhe ai kishte ngërç në kthimin e përgjigjeve.
Dua ta theksoj se vota e anëtarëve të Këshillit Bashkiak të PD dhe opozitës do të jete gjithmonë pro strehimit social, do të jetë gjithmonë pro bonusit të qerasë, pro ndihmës ekonomike që do të jepet. Por hajde ta çlirojmë bashkinë e Tiranës nga keto ngërçe që e kanë mbërthyer.
Pyetje: Arrestimi i Veliajt e ka futur në kolaps bashkinë e Tiranës?
“Shiko, bashkia e Tiranës nuk ka qenë në kolaps vetëm këto 4 muajt që është i arrestuar ai. Dje u bë raportimi financiar për vitin 2024. Por raporti financiar i 2024, buxheti i 2024, ashtu siç u nis që u miratua me një seancë 300 sekondëshe sepse ata nuk donin që të kishin një diskutim në të njëjtën mënyrë edhe u mbyll. Sepse nëse do të shikohet në mënyrë shumë të thjeshtuar pjesa e raportit financiar, ti kupton që kemi të bëjmë me nje bashki që nuk po funksionon. Kemi të bëjmë me një bashki që nuk di ti menaxhojë financat e saj….” tha Jonathan Pano per Syri tv.
