Janë zbardhur detaje të reja nga konflikti i regjistruar mbrëmjen e djeshme në zonën e “Ali Demit” në Tiranës, ku disa persona u përfshinë në një konflikt masiv në rrugë.
Burime bëjnë me dije se gjatë konfliktit, një person ka qëlluar me armë zjarri në ajër, ku fatmirësisht nuk ka patur persona të lënduar, teksa Policia ka gjetur në vendin e ngjarjes dy gëzhoja.
Mësohet se Policia ka shoqëruar në komisariat dëshmitarë okularë për t’i marrë në pyetje, por burime bëjnë me dije se nuk kanë pranuar të japin shumë shpjegime, pa e ndihmuar grupin hetimor.
Mediat raportojnë se uniformat blu kanë identifikuar dhe kanë shpallur në kërkim disa prej persdonave të përfshirë konflikt, teksa po punon dhe për identifikimin e shtetasve të tjerë.
Burime bëjnë me dije se sherri dyshohet se ka nisur për shkak të një borxhi të pashlyer.
